Breski fjölmiðilinn Mirror, fór á vefsíðu sinni yfir þá síðustu tíu leikmenn sem Arsenal hefur fengið til liðs við sig og mat hvern leikmann fyrir sig og úrskurðuð um það hvort félagsskiptin hafi reynst vel eða illa.

Rúnar Alex Rúnarsson, kom til liðs við Arsenal frá franska félaginu Dijon í september árið 2020 og hefur átt erfitt uppdráttar hjá enska félaginu, færst aftar í goggunarröðina.

„Íslenski markvörðurinn hefur átt skelfilegan tíma hjá félaginu síðan að hann kom frá Dijon. Eftir að hafa verið keyptur á rétt undir 2 milljónir punda var aldrei búist við því að hann yrði annað en varaskeifa fyrir Bernd Leno en Rúnari hefur mistekist að heilla þegar hann hefur fengið tækifæri til þess,“ segir meðal annars í umsögn Mirror um félagsskipti og tíma Rúnars Alex hjá Arsenal.

Í umsögninni er einnig fjallað um erfitt atvik þegar að Rúnar eyddi Twitter-aðgangi sínum eftir að hafa orðið fyrir aðkasti og morðhótunum eftir mistök sem hann gerði í leik Arsenal og Manchester City í enska deildarbikarnum í desember síðastliðnum.