Jóhann Berg Guðmundsson var ónotaður varamaður í 4-0 sigri Burnley á Wolves í ensku úrvalsdeildinni í gær. Jóhann hefur átt fast sæti í byrjunarliði Burnley síðustu vikurnar.
Sean Dyche stjóri Burnley sagði að leik loknum að Jóhann hefði meiðst lítilega gegn Manchester United helgina á undan.
„Jóhann heldur áfram að fá svona smávægileg óþægindi og það gerðist eftir United leikinn,“ sagði Dyche eftir sigurinn.
„Við erum alltaf að ganga á leikmennina og setja þá í hættu, við erum ekki að reyna það en við þurfum að gera það.“
Sigur Burnley í gær fer langt með að tryggja veru liðsins í deildinni á næsta ári en liðið er níu stigum frá fallsæti.
Dyche confirms JBG was rested [at Wolves] as a precaution: „Johann keeps getting these niggles and had another one after the United game with a minor tear in his oblique. We keep putting these players at risk, we are not trying to of course, but we have had to.“ #twitterclarets
— Ben Dinnery (@BenDinnery) April 26, 2021
