Ryan Giggs, fyrrverandi leikmaður Manchester United og landsliðsþjálfari Wales, sást á dögunum með nýrri kærustu en Giggs hefur verið mikið í fjölmiðlum að undanförnu.

Zara Charles, 33 ára undirfatamódel, var mynduð með Giggs á göngu en hún hefur undanfarna mánuði veitt Giggs stuðning á stormasömum tímum samkvæmt heimildum Daily Mail.

Giggs var á dögunum ákærður fyrir líkamlegt ofbeldi gegn tveimur konum sem og andlegu ofbeldi gegn annari þeirra. Verði hann fundinn sekur, gæti hann fengið fimm ára fangelsisdóm. The Sun greindi frá.

Málið rataði í fréttirnar í dag. Giggs er sakaður um að hafa stjórnað fyrrverandi kærustu sinni í um þrjú með því að beita hana andlegu ofbeldi. Þá er hann einnig sakaður um að hafa beitt hana líkamlegu ofbeldi. Ofan á þetta er talið að hann hafi beitt aðra unga konu líkamlegu ofbeldi.

Áðurnefnd stjórnun í sambandi getur lýst sér þannig að aðili beiti ofbeldi, hótunum, niðurlægingu eða öðru sem notað er til að meiða, refsa eða hræða fórnarlamb þess sem beitir þessari tegund af andlegu ofbeldi. Árið 2015 var það sett í lög að hægt sé að dæma fólk í allt að fimm ára fangelsi, gerist það sekt um slík brot. Verði Giggs fundinn sekur gæti dómur hans hljóðað upp á svo mörg ár.

Þá er ekki hægt að útiloka að Giggs verði fundinn sekur í einum af hinum ákæruliðunum. Þar gæti dómurinn verið mjög mismunandi. Sjálfur segist þessi fyrrum knattspyrnustjarna vera saklaus.

Tilkynnt var um það í dag að Giggs muni ekki stýra Wales á Evrópumóti landsliða í sumar vegna málsins.