Nokkur Íslendingalið áttu leiki í dag og í kvöld. Hér er stutt yfirferð:
Daníel Leó Grétarsson var ekki með Blackpool sem tapaði mikilvægum stigum í baráttunni um umspilssæti í kvöld. Liðið tapaði 1-0 gegn Rochdale. Blackpool er í 5.sæti, umspilssæti.
Jökull Andrésson hélt markinu hreinu fyrir Exeter í markalausu jafntefli gegn Forest Green. Liðið er í 8.sæti, 3 stigum frá síðasta umsspilssætinu þegar fjórar umferðir eru eftir.
Böðvar Böðvarsson, Böddi Löpp, spilaði nær allan leikinn og lagði upp mark í 4-1 sigri Helsingborg á Örgryte í sænsku B-deildinni. Þetta var annar leikur Helsinborg á tímabilinu og þeirra fyrsti sigur.
Aron Jóhannsson sat allan tímann á varamannabekk Lech Poznan í 3-0 sigri liðsins á Lechia Gdansk í efstu deild í Póllandi. Aron og félagar eru um miðja deild.