Svandís Svavarsdóttir, heilbrigðisráðherra, tilkynnti í dag tilslakanir á samkomutakmörkunum sem höfðu verið settar á vegna Covid-19 faraldursins.

Íþróttaæfingar og -keppnir barna og fullorðinna voru leyfðar aftur en ekkert var tekið fram um það hvort áhorfendur mættu mæta á kappleiki.

Sú breyting hefur verið gerð í dag á þeim tilslökunum sem voru kynntar um hádegisbilið að 100 áhorfendur megi mæta á kappleiki að því gefnu að þeir séu skráðir í sæti. Hámarksfjöldi fullorðinna í hópi áhorfenda verður 50 manns.

Úr reglugerðinni:

• Íþróttaæfingar og -keppnir barna og fullorðinna með og án snertinga í öllum íþróttum heimilar með allt að 100 áhorfendum sem skulu skráðir í sæti. Hámarksfjöldi fullorðinna verður 50 manns en fjöldi barna fer eftir sömu takmörkunum og í skólastarfi.