Ari Freyr Skúlason, hefur skrifað undir samning hjá IFK Norrköping í Svíþjóð. Þetta staðfesti félagið með yfirlýsingu á heimasíðu sinni.
Ari Freyr hefur spilað með Oostende í Belgíu síðan árið 2019 og þar áður var hann leikmaður Lokeren. Í Belgíu hefur Ari Freyr spilað 110 leiki, skorað 10 mörk og gefið 15 stoðsendingar.
Þá hefur Ari spilað 79 landsleiki fyrir A-landslið Íslands.
„Ari er nákvæmlega það sem við þurftum. Hann er með mikla reynslu, hefur verið fastamaður í íslenska landsliðinu í langan tíma og hefur verið að spila í efstu deild í Belgíu. Hans leiðtogahæfileikar munu reynast okkur vel,“ sagði Rikard Norling, knattspyrnustjóri Norrköping.
Välkommen till IFK Norrköping, Ari Skúlason! 🤝
Läs mer på hemsidan 👇⚪️🔵https://t.co/I6mrbrByj4
— IFK Norrköping (@ifknorrkoping) March 31, 2021
