Pini Zahavi, umboðsmaður David Alaba hefur vísað því á bug að leikmaðurinn hafi einungis áhuga á því að semja við Real Madrid eða Barcelona.Þessi 28 ára austurríski landsliðsmaður mun yfirgefa herbúðir Bayern Munich eftir 13 ára veru hjá klúbbnum þegar samningur hans rennur út í sumar.
Þetta hefur vakið sögusagnir um næsta áfangastað leikmannsins en Paris Saint German og Chelsea eru bæði talin hafa áhuga á honum. Max Bielefeld, blaðamaður á Sky Sport Deutschland sagði svo frá að Alaba hafi hafnað stóru tilboði frá PSG og einnig afþakkað að spila fyrir Thomas Tuchel hjá Chelsea í von um að spila á Spáni.
Hins vegar hafnaði Zahavi því að spænsku risarnir Real og Bareclona væru nú líklegust allra félaga að landa leikmanninum.
Hann sagði Diario AS: „David hefur rétt á því að velja hvert hann vill fara. En við erum enn að ræða við aðra klúbba. Það eru engin tímamörk.“
Samkvæmt fréttum verður engin ákvörðun tekin um framtíð Alaba fyrr en eftir EM 2021, en Austurríki var dregið í riðil C með Hollandi, Norður Makedóníu og Úkraínu. AS bendir á að Real þyrfti að losa sig við annað hvort Sergio Ramos eða Raphael Varane til að skapa pláss fyrir Alaba í vörninni.
Samningur franska landsliðsmannsins Varane rennur út árið 2022 og Real gæti freistast til að selja hann í sumar til að skila inn sem mestum hagnaði.
Hinn 34 ára gamli Ramos virðist hvergi nálægt því að framlengja samning sinn við liðið – hann vill framlengja samningnum um tvö ár en Real vill einungis bjóða honum eins árs framlengingu.
Joan Laporta, nýi forseti Barcelona lítur á Alaba sem mögulega stærstu leikmannaskipti sumargluggans en samkvæmt fréttum er Real Madrid í lykilstöðu að landa leikmanninum.Pini Zahavi, umboðsmaður David Alaba hefur vísað því á bug að leikmaðurinn hafi einungis áhuga á því að semja við Real Madrid eða Barcelona.Þessi 28 ára austurríski landsliðsmaður mun yfirgefa herbúðir Bayern Munich eftir 13 ára veru hjá klúbbnum þegar samningur hans rennur út í sumar.
