Ronnie Wallwork fyrrum leikmaður Manchester United hefur verið dæmdur í 18 mánaða fangelsi fyrir líkamsárás.
Wallwork var vonarstjarna í unglingastarfi United og varð Englandsmeistari með félaginu árið 2001. Ferill hans hjá United náði ekki flugi en Wallwork lék rúma 100 leiki fyrir West Brom á ferli sínum.
Wallwork er 43 ára gamall og var sakaður um að hafa skaðað sjón hjá manni sem hann lenti í áflogum við á knæpu í Bretlandi.
Wallwork var sakaður um að hafa ráðist á manninn, hann var einnig sakaður um að hafa skallað manninn með fyrrgreindum afleiðingum. Dómarinn taldi Wallwork sekan og dæmdi hann í 18 mánaða fangelsi
„Sú staðreynd að þú hafir játað brotið, mun hjálpa þér,“ sagði dómari þegar málið var tekið fyrir. Wallwork gekkst við broti sínu og fer nú á bak við lás og slá.
