Unai Emery hafði verið í starfi hjá Arsenal í 18 mánuði þegar hann var rekinn og Mikel Arteta var ráðinn í hans starf. Árangur Arsenal undir stjórn Emery þótti ekki nógu góður.
Forráðamenn Arsenal létu til skara skríða og sóttu Arteta sem var aðstoðarþjálfari Manchester City. Gengi Arsenal hefur ekki verið gott undir stjórn Arteta.
Arsenal situr nú í áttunda sæti deildarinnar og þegar Arteta er borinn saman við Emery kemur hann ekki vel út.
Arteta sækir að meðaltali 1,53 stig í leik í deildinni, Emery sótti 1,73 stig að meðaltali í leik. Emery vann 49 prósent af leikjum í ensku úrvalsdeildinni en Arteta vinnur 43 prósent leikja í deildinni.
Arteta virðist enn hafa stuðning þeirra sem ráða hjá Arsenal og vonast félagið til þess að innan tíðar fari liðið að sækja betri úrslit.
