Gary Neville einn af eigendum Salford City hefur rekið Richie Wellens úr starfi knattspyrnustjóra, örfáum dögum eftir að liðið vann sinn fyrsta bikar í atvinnumennsku.
Salford er í fjórðu efstu deild Englands en Neville og félagar hafa lagt mikla fjármuni í félagið. Meðal eiganda eru David Beckham, Ryan Giggs, Paul Scholes, Phil Neville og Nicky Butt.
Salford er í Manchester en Wellens tók við liðinu í nóvember eftir að Graham Alexander var rekinn úr starfi. Liðið vann Papa John’s bikarinn á dögunum, um er að ræða bikarkeppni fyrir lið í neðri deildum.
Liðinu hefur hins vegar ekki vegnað nógu vel í deildinni að mati Neville og var ákveðið að reka Wellens og leita að þriðja stjóra tímabilsins.
Salford situr í níunda sæti deildarinnar og er sex stigum frá sæti í umspili um laust sæti í þriðju efstu deild.
