Sergio Aguero framherji Manchester hefur ekki hugmynd um hvað gerist hjá honum í sumar og hvort hann verði áfram hjá félaginu.
Aguoer er frjálst að ræða við félög utan Englands í dag þar sem samningur hans við City er á enda í sumar.
Framherjinn knái frá Argentínu er 32 ára gamall og hefur raðað inn mörkum fyrir City í tíu ár. Hann hefur hins vegar mikið misst út á þessu tímabili vegna meiðsla.
„Ég veit ekki hvað ég geri eftir tímabilið, ég hef ekki hugmynd. Ég verð að sjá til,“ sagði Aguero.
City hefur ekki sest niður með Aguero og boðið honum nýjan samning en Barcelona er sagt hafa áhuga á því að fá hann frítt.
Aguero er með 260 þúsund pund á viku hjá City en hann er markahæsti leikmaður í sögu Manchester City með 256 mörk.
