Phil Kirkbride blaðamaður hjá Liverpool Echo skrifar um Gylfa Þór Sigurðsson eftir tap liðsins gegn Manchester City í ensku úrvalsdeildinni í gær. Everton átti aldrei séns gegn besta liði Englands.

Gylfi bar fyrirliðaband Everton í leiknum og lék allan leikinn, Liverpool Echo gaf honum 5 í einkunn fyrir frammistöðu sína. „Náði ekki að komast eins mikið í boltann og hann vildi, sem er kannski eðlilegt gegn City. Þegar hann var færður í varnarsinnað hlutverk þá var hann ekki nógu snöggur að elta Bernardo Silva sem gaf honum tækifæri til þess að skora,“ sagði í umfjöllun blaðsins.

Kirkbride skrifar svo langa grein um það hvað Everton þarf að gera til að geta farið að máta sig við bestu lið deildarinnar, eigendur félagsins hafa dælt fjármunum inn í félagið með misjöfnum árangri.

„Gylfi er án nokkurs vafa með traustið frá Ancelotti og er mikilvægur hlekkur í hópnum. Á blaði er hann með mikið af þeim hæfileikum sem við teljum að hópnum vanti. En hversu oft skilar hann sínu?,“ skrifar Kirkbride.

Gylfi hefur mátt þola talsvert mikla gagnrýni í Liverpool borg, margir telja hana verulega ósanngjarna.

„Gylfi kom á þeim tíma sem alltof margir menn voru í hans stöðu, það er ljóst að Everton gerir ekki sömu mistök aftur og kaupir of marga. Það er samt þannig að hópnum virðist vanti mann í þessa stöðu til að taka næsta skref.“