Jamie Carragher segir viðvörunarbjöllur enn vera á leik Liverpool. RB Leipzig og Liverpool mættustu á Puskas Arena í Ungverjalandi í Meistaradeild Evrópu í gær. Mohamed Salah kom Liverpool yfir með marki á 53. mínútu.
Fimm mínútum síðar tvöfaldaði Sadio Mané, forystu Liverpool og innsiglaði 2-0 sigur liðsins. Fleiri mörk voru ekki skoruð í leiknum og fer Liverpool því með tveggja marka forskot inn í seinni leik liðanna sem fer fram þann 10. mars næstkomandi.
„Ég sá Liverpool frammistöðu sem ég hafði ekki séð í nokkrar vikur, það var orka og liðið gat pressað,“ sagði Carragher.
„Ég ætla ekkert að gera lítið úr þessum úrslitum, frábær úrslit gegn liði sem er í öðru sæti í Þýskalandi.“
Carragher hefur áhyggjur af sóknarleik Liverpool og hversu fá færi Liverpool er að skapa.
„Mörkin sem Liverpool skorar eru samt eftir mistök, þeir voru ekkert að skapa sér neitt mikið af færum. Miðað við góða frammistöðu þá skapaði liðið sér ekki mikið. Vandamálin eru enn í sóknarleiknum.“
