Gerard Pique, leikmaður Barcelona, gæti átt yfir höfði sér 12 leikja bann eftir að hafa látið óheppileg orð falla um dómara í spænsku úrvalsdeildinni í YouTube þættinum Post United á dögunum. Þetta herma heimildir Marca.
Pique ýjaði að því í þættinum að dómarar í spænsku deildinni héldu með Real Madrid og dæmdu liðinu í hag.
„Á dögunum sagði fyrrverandi dómari við mig að 85% af dómurum líkar best við Real Madrid. Hvernig munu þeir ekki dæma Real Madrid í hag?“ var meðal þess sem Pique sagði í umræddum þætti.
Spænska knattspyrnusambandið hefur ákveðið að taka þessi ummæli Pique fyrir og samkvæmt heimildum Marca gæti hann átt yfir höfði 12 leikja bann ásamt því að þurfa að greiða sekt.
Pique hefur verið frá vegna hnémeiðsla og það síðasta sem hann þarf á að halda núna er 12 leikja bann til að hindra endurkomu hans á knattspyrnuvöllinn enn frekar.
