„Ég steig mín fyrstu skref í meistaraflokk 14 ára. Þjálfarinn hafði orð á því á nánast hverri einustu æfingu að ég væri með stór brjóst,“ það er svona sem frásögn frá íslenskri knattspyrnukonu hefst á vefnum Síðasta Sagan. Þar hefur verið safnað saman frásögnum íþróttakvenna um það sem gerist á bak við tjöldin.
Margrét Björg Ástvaldsdóttir félagsfræðingur safnar þar sem sögum frá konum en hún leikur sjálf í efstu deild kvenna í knattspyrnu, með Fylki.
Árið 2016 gerði Margrét rannsókn þar sem kom í ljós gríðarlegt kynjamisrétti í umgjörð knattspyrnuhreyfingarinnar. Frá þeim tíma hefur hún safnað saman sögum.
Saga sem birtist nú á dögunum er frá stúlku sem leikur eða lék knattspyrnu um langt skeið. Hún segir að þjálfari sinn hafi reglulega rætt um brjóstin sín. „ Hann spurði mig líka óþægilegra spurninga varðandi brjóstin og brjóstastærð mjög reglulega, fyrir framan allt liðið og aðra sem nálægt voru.“
Konan fór í fitumælingu eins og reglulega er gert hjá íþróttafólki, þjálfarinn hafði sterka skoðun á tölunum hennar. „Þegar ég var ný búin í fitumælingu á hans vegum þar sem ég mældist 13% fita. Þá hafði hann fyrir því að segja öllum frá því að það væri allt í brjóstunum.“
Konan segir að sami þjálfari hafi einnig þjálfað unga drengi og þar hafi perrasakapur hans einnig komið í ljós. „Sami þjálfari þjálfaði líka yngri flokk karla þar sem hann spurði iðkendur hvort við stelpurnar værum ekki í rúnkminni þeirra. Þessi maður hefur þjálfað mörg félagslið kvenna og karla sem og yngri landslið.“
Sögurnar sem ratað hafa á vefinn má lesa hér.
