Andre Onana markvörður Ajax spilar ekki fótbolta næsta árið. UEFA hefur dæmt hann í tólf mánaða bann eftir að ólögleg lyf fundust í líkama hans.

Onana var lyfjaprófaður í lok október og þar fannst lyfið Furosemide sem er ólöglegt í íþróttum. Onana pissaði í glas og þar komst upp um atvik hans.

Á vef Ajax kemur fram að Onana hafi vaknað slappur þennan morgun, hann hafi viljað taka verkjalyf en hafi óvart tekið pillu sem var skrifuð á eiginkonu hans. Þannig segir hann frá málinu.

UEFA segir i dómi sínum að Onana hafi ekki ætlað sér að svindla en að atvinnumaður í íþróttum eigi að vera meðvitaður um að taka ekki hvaða pillu sem er. Lyfið á að hjálpa við að losna við vatn og salt úr líkamanum.

„Við viljum ekki hafa svona í okkar íþrótt, þetta er áfall fyrir okkur. Þetta er áfall fyrir Andre og okkur, hann er frábær markvörður,“ sagði Edwin van der stjórnarformaður Ajax.

„Við vonuðumst eftir mildari dóm eða engum, hann var ekki að styrkja líkama sinn með þessu lyfi.“