Juan Mata er að öllum líkindum á leið frá Manchester United, samningur hans við félagið er á enda í sumar og ekki er búist við að hann verði framlengdur.

Mata er 32 ára gamall og getur Manchester United framlengt samning hans um eitt ár til viðbótar, ólíklegt er að það ákvæði verði notað.

Mata er sterklega orðaður við endurkomu heim til Spánar og vill Valencia fá hann aftur í sínar raðir.

„Það er alltaf mjög erfitt að skilja Juan Mata eftir á bekknum, þú veist gæðin hans. Ef hann spilar þá er hann alltaf að leggja sitt að mörkum,“ sagði Ole Gunnar Solskjær stjóri Manchester United um stöðu Mata.

Mata hefur lítið sem ekkert spilað á þessu tímabili. „Við erum með aðra leikmenn sem hafa staðið sig vel, Mason Greenwood hefur nýtt sín tækifæri. Paul Pogba núna, Mata hefur staðið sig vel í sínu hlutverki í hópnum.“

„Ég ræði við hann reglulega, það er erfitt að skilja hann eftir en þannig er staðan núna. Við höfum ekki tekið ákvörðun um framtíð hans.“