Lionel Messi var rekinn af vell í fyrsta skipti á ferli sínum með Barcelona í gær, atvikið átti sér stað í úrslitum Ofurbikarsins á Spáni. Barcelona tapaði 3-2 gegn Athletic Bilbao í framlengdum leik. Messi hafði fengið tvö rauð spjöld með Argentínu á ferlinum en þetta var í fyrsta sinn sem hann sér það með Barcelona.
Atvikið kom upp í framlengingu þegar Messi sló til leikmanns Athletic sem var að reyna að elta hann og stoppa sókn.
Samkvæmt fréttum á Spáni gæti Messi fengið allt að 12 leikja bann, það fer þó eftir því hvort höggið verði flokkað sem árás eða ekki. Verði Messi fundinn sekur um árásargjarna hegðun þá gæti hann fengið 12 leikja bann.
Asier Villalibre fékk höggið frá Messi en eftir að dómari leiksins hafði skoðað atvikið í VAR skjánum, var hann ekki í nokkrum vafa.
Atvikið má sjá hér að neðan.
#ICYMI; Messi's 🔴red card 🆚 Athletic Bilbaopic.twitter.com/bytkqlpmbD
— sportreporterz (@sportreporterz) January 18, 2021
