Hjörvar Hafliðason sjálfur Dr. Football fullyrðir að Ísak Bermgann Jóhannesson sé á leið til Red Bull Salzburg. Ísak hefur verið eftirsóttur af öllum stærstu liðum Evrópu.

Ísak sem er 17 ára gamall hefur slegið í gegn með IFK Norrköping í Svíþjóð, Manchester United, Liverpool, Real Madrid og Juventus hafa haft áhuga á honum eftir góða frammistöðu.

Salzburg er þekkt fyrir að treysta á unga og efnilega leikmenn, þar kom Erling Braut-Haaland og varð að stjörnu. Líklegt er að Ísak Bergmann fái strax tækifæri með aðalliði félagsins.

„Miðað við það sem ég heyri þá sé Salzburg lang líklegasti staðurinn,“ sagði Hjörvar í þætti sínum í dag.

Norrköping hefur samkvæmt fjölmiðlum sett verðmiða á Ísak það er sagt vera á milli 50-75 milljónir sænskra króna eða um 780 til 1180 milljónir íslenskra króna.

Ísak lék sinn fyrsta A-landsleik fyrir Ísland í nóvember þegar hann kom við sögu gegn Englandi. Salzburg er besta lið Austurríkis en félagið hefur svo sterk tengsl við Red Bull Leipzig í Þýskalandi.