Leeds United og Arsenal gerðu 0-0 jafntefli í ensku úrvalsdeildinni í gær. Leikið var á Elland Road í Leeds. Arsenal hefur gengið erfiðlega að skora mörk á tímabilinu og hefur mistekist að skora úr opnum leik í yfir 450. mínútur í undanförnum leikjum.
Arsenal lék einum manni færri frá 52. mínútu þegar Nicolas Pépé fékk að líta rauða spjaldið fyrir að hafa skallað Alioski, leikmann Leeds.
Pepe gerði slæm mistök en í kjölfarið hafa honum borist hótanir og sömuleiðis hefur Ezgjan Alioski leikmaður Leeds fengið hótanir.
Arsenal og Leeds vinna nú með lögreglunni en N-orðið hefur ítrekað verið notað í skilaboðum sem Pepe hefur borist.
Arsenal er eftir leikinn í 11. sæti deildarinnar með 13 stig úr 9 leikjum. Leeds er í 14. sæti með 11 stig.
