Varnarmaðurinn Daníel Laxdal verður áfram í Garðabænum næstu tvö árin en hann hefur skrifað undir nýjan samning við félagið.
Samningur þessa öfluga varnarmanns var að renna út en hann heldur tryggð við uppeldisfélagið sitt.
Daníel hefur alla tíð leikið með Stjörnunni og var hluti af liði félagsins sem varð Íslandsmeistari árið 2014, sá fyrsti og eini í sögu félagsins.
Daníel er 34 ára gamall og hefur spilað 355 leiki fyrir Stjörnuna í deild og bikar, hans fyrsti leikur með meistaraflokki var árið 2004.
Fyrr í vikunni hafði Þórarinn Ingi Valdimarsson skrifað undir tveggja ára samning við félagið.
