Tottenham vann góðan 0-1 sigur á Burnley í ensku úrvalsdeildinni á mánudag. Leikið var á Turf Moor í Burnley. Jóhann Berg Guðmundsson var í byrjunarliði Burnley og lék 84. mínútur.
Það var Heung-Min Son sem skoraði eina mark leiksins. Það kom á 76. mínútu eftir stoðsendingu frá Harry Kane, hans áttunda stoðsending á tímabilinu.
Son og Kane eru eins og Malt og Appelsín, blanda sem ekki klikkar. Þeir félagar hafa nú skorað 29 mörk eftir stoðsendingu frá hinum aðilanum, Kane á Son eða Son á Kane.
Þeir eru næsta besta par ensku úrvalsdeildarinnar frá upphafi en aðeins Frank Lampard og Didier Drogba standa þeim framar. Líklegt er að Son og Kane taki fram úr þeim á þessu tímabili með sama áframhaldi.
Bestu pör fótboltans má sjá hér að neðan.
