Fyrstu umferð riðlakeppni Meistaradeildar Evrópu lauk í kvöld. Evrópumeistarar Bayern Munchen áttu ekki í vandræðum með Atletico Madrid á heimavelli, leikurinn fór 4-0 fyrir heimamenn. Liverpool vann 0-1 sigur á Ajax í Amsterdam og Manchester City vann Porto 3-1 á heimavelli. Þú getur lesið um öll úrslit kvöldsins hér fyrir neðan.
A-riðill
Evrópumeistarar Bayern Munchen hófu titilvörn sína á 4-0 sigri gegn Atletico Madrid, leikið var Allianz Arena í Munchen. Bayern átti ekki í vandræðum með spænska liðið, þeir leiddu 2-0 í hálfleik og bættu síðan við tveimur mörkum í seinni hálfleik frá Corentin Tolisso á 66. mínútu og Kingsley Coman á 72. mínútu. Lokatölur 4-0 sigur Bayern Munchen.
B-riðill
Inter Milan gerði 2-2 jafntefli við þýska liðið Borussia Mönchengladbach, leikið var á Giuseppe Meazza í Mílanó. Romelu Lukaku kom Inter yfir með marki á 49. mínútu. Á 63. mínútu fengu gestirnir vítaspyrnu, Ramy Bensebaini tók spyrnuna og jafnaði leikinn. Þýska liðið komst yfir með marki á 84. mínútu en Lukaku jafnaði leikinn fyrir Inter með marki á 90. mínútu. Lokatölur á Ítalíu 2-2.
C-riðill
Manchester City kom til baka eftir að hafa lent 0-1 undir gegn Porto og vann 3-1 sigur. Luis Diaz kom Porto yfir á 14 mínútu. Mörk frá Aguero, Gundogan og Ferran Torres sáu til þess að Manchester City byrjar sitt tímabil í Meistaradeildinni á sigri.
Gríska liðið Olympiakos tók á móti franska liðinu Marseille. Aðeins eitt mark var skorað í leiknum og það skoraði Ahmed Hassan Koka, leikmaður Olympiakos á 90. mínútu. Ögmundur Kristinsson var ekki í leikmannahóp Olympiakos.
D-riðill
Liverpool vann 0-1 sigur á Ajax í Amsterdam. Eina mark leiksins var sjálfsmark, en það var Nicolas Tagliafico sem varð fyrir því óláni að skora það á 35. mínútu leiksins.
Ítalska liðið Atalanta gerði góða ferð til Danmerkur þar sem vannst 0-4 sigur á Mikael Anderson og félögum í FC Midtjylland. Atalanta leiddi 0-3 í hálfleik og Aleksey Miranchuk innsiglaði síðan 0-4 sigur ítalska liðsins með marki á 89. mínútu. Mikael byrjaði á varamannabekk FC Midtjylland en kom inn á þegar 87. mínútur voru liðnar af leiknum.
A-riðill
Bayern Munchen 4 – 0 Atletico Madrid
1-0 Kingsley Coman (’28)
2-0 Leon Goretzka (’41)
3-0 Corentin Tolisso (’66)
4-0 Kingsley Coman (’72)
B-riðill
Inter Milan 2 – 2 Borussia Mönchengladbach
1-0 Romelu Lukaku (’49)
1-1 Ramy Bensebaini (’63, víti)
1-2 Jonas Hofmann (’84)
2-2 Romelu Lukaku (’90)
C-riðill
Manchester City 3 – 1 Porto
0-1 Luis Diaz (’14)
1-1 Sergio Aguero (’20, víti)
2-1 Illkay Gundogan (’65)
3-1 Ferran Torres (’73)
Olympiacos 1 – 0 Marseille
1-0 Ahmed Hassan Koka
D-riðill
Ajax 0 – 1 Liverpool
0-1 Nicolas Tagliafico (’35, sjálfsmark)
FC Midtjylland 0 – 4 Atalanta
0-1 Duvan Zapata (’26)
0-2 Alejandro Gomez (’36)
0-3 Luis Muriel (’42)
0-4 Aleksey Miranchuk (’89)
