Ekkert félag hefur áhuga á að taka Kepa Arrizabalaga markvörð Chelsea á láni ef marka má ensk blöð. Chelsea hefur verið að bjóða félögum að fá Kepa.
Frank Lampard hefur enga trú á dýrasta markverði sögunnar og keypti því Edouard Mendy frá Rennes í síðustu viku.
Kepa kostaði Chelsea 72 milljónir punda fyrir tveimur árum en hefur verið mistækur á Englandi.
Kepa þénar um 900 milljónir íslenskra króna á ári hverju og Chelsea þarf að sætta sig við það að hafa hann hjá félaginu í vetur.
Mendy veðrur fyrsti kostur Lampard í markið og Kepa á bekknum en félagið hefur beðið um 60 milljónir punda ef eitthvað félag vill kaupa Kepa.