Everton og Aston Villa gerðu 1-1 jafntefli í viðureign sinni í ensku deildinni í kvöld. Gylfi Þór Sigurðsson kom inn á þegar Everton var einu marki undir en fljótlega jafnaði Theo Walcott metin. Þetta mark reyndist Aston Villa dýrkeypt en liðið er í fallbaráttu og hefði verið mun betur sett með þrjá punkta í staðinn fyrir einn.
Leicester lagði Sheffield United 2-0 í dag en bæði lið eru í baráttunni um Evrópusæti. Með sigri væri Evrópudraumur Sheffield United innan seilingar en þetta tap gerir þeim afar erfitt fyrir. Punktarnir voru engu að síður mikilvægir fyrir Leicester en með sigrinum situr liðið nú í fjórða sæti, einungis einu stigi á eftir Chelsea í þriðja.
