KA staðfesti það fyrr í dag að Óli Stefán Flóventsson væri hættur sem aðalþjálfari karlaliðs félagsins.

Óli tók við KA fyrir tímabilið síðasta sumar og hafnaði liðið í fimmta sæti deildarinnar undir hans stjórn.

Byrjunin í sumar hefur þó verið ansi erfið og er KA m eð þrjú stig eftir fyrstu fimm umferðirnar.

Það var því tekið ákvörðun um að rifta samningi Óla en ákvörðunin var sameiginleg.

Arnar Grétarsson var í kjölfarið ráðinn þjálfari liðsins og mun sjá um að klára tímabilið.

Óli gaf frá sér yfirlýsingu á Facebook síðar í dag og má lesa hana hér.

Yfirlýsing Óla Stefáns:

Það má með sanni segja að dagurinn í dag hafi verið viðburðaríkur.

Ég hef síðustu tæp tvo ár þjálfað lið KA en í dag skildu leiðir.

Það hafa verið forréttindi að starfa fyrir þetta félag og eg hef notið tímans á Akureyri.

Í kringum félagið er fólk sem ég kann ótrúlega vel við. Þetta fólk leggur mikla vinnu í að koma KA áfram og verða það lið sem ég veit að það getur orðið.

Þessu fólki öllu saman ásamt stuðningsmönnum þakka ég samfylgdina og óska því ekkert nema góðs í framtíðinni.

Þjálfarateymið og leikmenn hafa gert í einu og öllu algjörlega það sem ég hef farið fram á, ég gæti ekki verið ánægðari með þeirra framlag.

Mér var treyst til þess að stýra skútinni ákveðna leið, leið sem hefur kannski ekki alltaf verið bein og greið en stefnan hefur samt sem áður alltaf verið skýr.

Ég er ánægður með þá leið sem við fórum í fyrra þar sem við sigldum skútunni í fimmta sæti Pepsí Max deildarinnar þrátt fyrir ólgusjó sem við lentum í á leiðinni.

Nú tekur nýr skipstjóri við og ég óska honum alls hins besta með þá heitu ósk um að hann komi skútunni þá leið sem óskað er eftir.

Það mikilvægasta hjá mér er að fara yfir liðinn tíma með gagnrýnis gleraugun á. Ég þarf að skoða þau mistök sem ég sjálfur hef gert. Sumt sé ég mjög skýrt nú þegar en það tek ég með mér áfram og læri af.

Ég þakka fyrir þær kveðjur sem mér hafa borist í dag