Ole Gunnar Solskjær, stjóri Manchester United, segir að Southampton hafi átt skilið stig gegn hans mönnum í kvöld.
Southampton náði 2-2 jafntefli á Old Trafford þar sem jöfnunarmark liðsins kom á 96. mínútu í uppbótartíma.
,,Þetta er versti tímapunkturinn til að fá á sig mark en það gerist í fótbolta. Þú þarft að vera sterkur og taka því,“ sagði Solskjær.
,,Við höfum unnið svo marga leiki á þennan hátt og þetta er allt lærdómur fyrir strakana sem eru vonsviknir.“
,,Þú heldur að stigin séu komin en við áttum örugglega ekki skilið þrjú stig í dag. Southampton er gott lið og þeir áttu skilið að fá eitthvað úr leiknum. Þeir spiluðu vel.“
,,Þeir hlaupa og elta þig og við náðum aldrei almennilegum takti.“
