Bournemouth 4-1 Leicester
0-1 Jamie Vardy(23′)
1-1 Junior Stanislas(víti, 65′)
2-1 Dominic Solanke(67′)
3-1 Jonny Evans(sjálfsmark, 83′)
4-1 Dominic Solanke(87′)

Bournemouth vann frábæran sigur í ensku úrvalsdeildinni í kvöld er liðið mætti Leicester City.

Leikurinn var gríðarlega mikilvægur fyrir bæði lið en Leicester berst um Meistaradeildarsæti og Bournemouth um að halda sæti sínu í efstu deild.

Leicester byrjaði leikinn betur í kvöld og komst yfir með marki frá Jamie Vardy í fyrri hálfleik.

Allt annað Bournemouth lið mætti til leiks í seinni hálfleik og var liðið komist yfir á 67. mínútu.

Dominic Solanke skoraði sitt fyrsta deildarmark fyrir Bournemouth en stuttu áður hafði Junior Stanislas skorað úr vítaspyrnu.

Caglar Soyuncu, varnarmaður Leicester, fékk á sama tíma rautt spjald fyrir að sparka í Callum Wilson, leikmann Bournemouth.

Jonny Evans varð svo fyrir því óláni að skora sjálfsmark fyrir Leicester áður en Solanke bætti við sínu öðru marki í 4-1 sigri heimaliðsins.

Bournemouth er nú þremur stigum frá öruggu sæti þegar þrjár umferðir eru eftir.