Zinedine Zidane, stjóri Real Madrid, er orðinn verulega þreyttur á umræðu leikmanna annarra liða um hans menn.

Real vann 1-0 sigur á Athletic Bilbao um helgina en eina mark leiksins skoraði Sergio Ramos úr vítaspyrnu.

Dómurinn var umdeildur og eftir leik þá sagði Iker Muniain, leikmaður Athletic, að dómararnir kæmu í veg fyrir að Real myndi tapa stigum.

Það er það sama og Gerard Pique, leikmaður Barcelona, lét út úr sér í síðasta mánuði.

,,Ég er orðinn þreyttur á að heyra það að við séum að vinna útaf dómurunum,“ sagði Zidane á blaðamannafundi.

,,Þetta mun ekki breytast en leikmennirnir eiga virðingu skilið. Það er ekkert sem tekur af okkur markið.“