Brighton 0-3 Manchester United
0-1 Mason Greenwood(16′)
0-2 Bruno Fernandes(29′)
0-3 Bruno Fernandes(50′)

Manchester United er að spila mjög vel þessa dagana en liðið mætti Brighton í kvöld.

United gat komist aftur í fimmta sæti deildarinnar með sigri og voru leikmenn ákveðnir í að ná í stig.

Mason Greenwood skoraði fyrsta mark leiksins á 16. mínútu en hann átti fínt skot innan teigs sem Matt Ryan réð ekki við.

Bruno Fernandes bætti við öðru ekki löngu seinna en hann átti skot í leikmann Brighton sem fór í netið.

Fernandes var aftur á ferðinni í seinni hálfleik er hann afgreiddi frábæra sendingu Greenwood í netið.

Lokastaðan 3-0 fyrir United sem er tveimur stigum á eftir Chelsea í fjórða sæti.