Kyle Walker bakvörður Manchester City trúlofaði sig um helgina þegar hann fór á skeljarnar. Annie Kilner unnusta hans til fjölda ára sagði já.

Það hefur mikið gengið á hjá Walker og Annie síðustu mánuði en knattspyrnumaðurinn hefur ítrekað haldið framhjá Annie síðustu mánuði.

Walker komst í fréttirnar þegar útgöngubann var í Englandi vegna kórónuveirunnar, Walker ákvað að leigja sér tvær vændiskonur og komst það í fréttirnar.

Í mars í fyrra var Walker sparkað út af heimili sínu eftir að hafa haldið framhjá með Laura Brown sem er fyrirsæta í Bretlandi. Annie gaf honum tækifæri en skömmu síðar var hann aftur gripinn í framhjáhaldi eftir að hafa barnað Lauryn Goodman.

Annie varð reið og hætti með Walker en þau eiga þrjú börn saman og ætla að reyna að bjarga hjónabandinu. Annie fékk 42 milljóna króna hring frá Walker í gær sem lagði allt í sölurnar til að sannfæra hana um eitt tækifæri til viðbótar.

„Hann vill eiga framtíð með mér og börnunum okkar, hann vill giftast mér. Ég hata þá hluti sem hann hefur gert en hann er ekki vondur maður,“ sagði Annie við ensk blöð.