FH vann góðan sigur í úrvalsdeild karla í kvöld er liðið mætti ÍA í hörkuleik í Hafnafirði.
Það var ekki mikið fjör í fyrri hálfleiknum í kvöld en öll þrjú mörk leiksins komu í þeim seinni.
Jónatan Ingi Jónsson kom FH yfir á 51. mínútu en hann átti góðan sprett og skoraði svo framhjá Árna í marki ÍA.
Stuttu seinna skoraði Steven Lennon sitt þriðja mark á tímabilinu og kom FH í 2-0.
Tryggvi Hrafn Haraldsson lagaði sötðuna undir lokin úr vítaspyrnu en það dugði ekki til og 2-1 sigur FH staðreynd.
Í hinum leik kvöldsins áttust við Fylkir og Breiðablik en sá leikur fór fram í Árbænum.
Eitt mark var skorað í viðureigninni en Damir Muminovic gerði það á 81. mínútu leiksins.
FH 2-1 ÍA
1-0 Jónatan Ingi Jónsson(51′)
2-0 Steven Lennon(57′)
2-1 Tryggvi Hrafn Haraldsson(víti, 84′)
Fylkir 0-1 Breiðablik
0-1 Damir Muminovic(81′)
