Indriði Sigurðsson fyrrum landsliðsmaður í knattspyrnu er í skemmtilegu viðtali við Jóhann Skúla í Draumaliðinu í dag.

Indriði átti farsælan feril í atvinnumennsku og með íslenska landsliðinu en hann lagði skóna á hilluna fyrir nokkrum árum þegar hann lék með KR.

Indriði valdi verst klædda samherja sinn af ferlinum og Hermann Hreiðarsson var nefndur til sögunnar, sérstaklega fyrir einn jakka sem Hermann elskaði að klæðast.

„Ég á eftir að sjá eftir þessu þegar ég verð viðbeinsbrotinn, Hermann Hreiðarsson,“ sagði Indriði þegar hann ræddi um þann verst klædda.

„Mér er svo minnisstætt, það að það sé dýrt þýðir ekki að það sé töff. Hann átti jakka sem var rúskin, leður og galla allt í einu. Þetta var í kringum 2004, æfingamót í Manchester. Þá komum við heim, þá var eitthvað afmælis boð á skemmtistað niðri í bæ. Við vorum nokkrir búnir að æfa með Jóni Arnari Magnússyni til að halda okkur í formi. Kvöldið byrjaði á því að Hemmi og Jón Arnar voru í slag á gólfinu,“ sagði Indriði.

Félagarnir í landsliðinu voru ekki hrifnir af jakkanum og fundur sér skæri. „Þeir sem voru með mér í þessu voru Brynjar Björn og Jói Kalli, við vorum lengi búnir að ræða þennan jakka. Við klipptum ermarnar af, það varð allt vitlaust. Viku seinna var hann kominn í alveg eins jakka,“ sagði Indriði léttur.

Indriði rifjaði upp sögu frá tímanum í landsliðinu þegar hann Brynjar Björn og Jói Kalli rústuðu einhverjum viðbjóðslegum jakka sem Hemmi átti og hann algjörlega trylltist. Sá verst klæddi, aftur, í boði @SuitUpReykjavik, Hermann Hreiðarsson. Fá hann í Bolholtið strax, takk. pic.twitter.com/OCfnIAomCz

— Jói Skúli (@joiskuli10) June 15, 2020