Marcus Rashford framherji Manchester United hefur heldur betur látið til sín taka nú þegar kórónuveiran hefur sett svip sinn á heiminn.

Rashford fór í átak um leið og skólum í Bretlandi var lokað og ætlaði að safna fyrir mat fyrir börn sem treysta á að skólamáltið á hverjum degi. Um er að ræða börn sem koma af heimilum þar sem lítið er um fjármuni, þau treysta á kerfið til að fá matinn.

Rashford setti sér það markmið í byrjun að safna 100 þúsund pundum og lagði sjálfur til verulega upphæð. Það var strax ljóst að hann færi langt fram úr markmiði sínu.

Rashford hefur nú safnað 20 milljónum punda og getur gefið 3 milljónum barna fría máltið í hverri viku. Hann ólst sjálfur upp við fátækt og hefur ekki gleymt því hvernig það er.

Rashford þénar tugir milljóna í hverri viku í dag. „Ég sagði alltaf að ef ég yrði í stöðu til að gera svona þá myndi ég alltaf gera það,“ sagði Rashford.

Hann hefur hjálpað mikið til í Manchester frá því að hann skaust upp á stjörnuhiminn og reynir að hjálpa þeim sem lítið eiga. Hann hefur nú sett sér það markmið að ekkert barn ætti að upplifa hungur