Valur skoðar það að fá Guðmund Stein Hafsteinsson til félagsins en hann er á heimleið frá Þýskalandi.
Guðmundur Steinn Hafsteinsson skrifaði undir hjá Rot-Weiss Koblenz, í fjórðu efstu deild Þýskalands í upphafi árs. Guðmundur var án félags eftir að samningur hans við Stjörnuna rann út.
Guðmundur er stór og stæðilegur framherji en hann var mest í aukahlutverki í Garðabænum. „Hópur Valsmanna vill fá hann heim,“ sagði Hjörvar Hafliðason í Dr. Football í dag.
HK, Fjölnir og fleiri lið hafa áhuga á að fá Guðmund en hann ólst upp í Val. „Þeim vantar framherja, hann er flottur stuðningur við Patrick Pedersen,“ sagði Kristján Óli Sigurðsson.
Fram kom í þættinum að Guðmundur væri á heimleið með Norrænu og skoðar hann sín mál.