Manchester United nær ekki að sannfæra Shanghai Shenhua um að framlengja lánsdvöl Odion Ighalo hjá félaginu.
Allt stefnir því í að Ighalo hafi spilað sinn síðasta leik fyrir United og fari til Kína í næstu viku.
Ighalo kom til United í janúar á láni og átti að geta klárað tímabilið, vegna kórónuveirunnar hefur hann og aðrir á Englandi ekki spilað í tvo mánuði.
Ighalo hafði komið inn af krafti en Shanghai Shenhua hefur boðið honum nýjan samning sem færir honum 400 þúsund pund á viku.
United stendur enn til boða að kaupa Ighalo á 20 milljónir punda en félagið er ekki líklegt til þess á þessum tímapunkti.
