Wayne Rooney er að klára að byggja hús fyrir sig og fjölskyldu sína í úthverfi Manchester sem kostar 20 milljónir punda.

Nú kemur fram í opinberum gögnum að leynigöng séu í húsinu, þar er hægt að fara niður og keyra á rafmagnsbíl í öryggisherbergi. Þar er hægt að loka að sér og kemst enginn þar inn, þetta getur nýst þegar eitthvað gengur, hamfarir, hryðjuverk eða innbrot.

Brotist var inn hjá Rooney fjölskyldunni árið 2016 og hefur Coleen verið stressuð heima hjá sér síðan, í öryggisherberginu verður nettenging, hægt verður að horfa á öryggismyndavélarnar í húsinu, þarna verður baðherbergi og eldhús.

Húsið verður eitt það flottasta í Bretlandi, þarna verður bílskúr fyrir sex bíla. Á til að veiða í, bíósalur, bar, vínkjallari, sundlaug og allt sem því fylgir. Bókasafn verður í húsinu auk fjölda svefnherbergja.

Ensk blöð segja svo frá því að Rooney ætli að láta setja upp nokkrar golfholur í fullri lengd í garðinum hjá sér auk þess að setja upp æfingaflatir fyrir vipp og pútt.