Ríkisstjórn Boris Johnson, hefur beðið allar stærstu íþróttagreinar landsins um að byrja að undirbúa endurkomu. Ríkisstjórnin vonast til þess að íþróttir fari af stað í byrjun júní, með þessu vilja þau reyna að létta lundina hjá þjóðinni eftir erfiða tíma. Ekki hefur verið spilað í tæpa tvo mánuði vegna kórónuveirunnar.

Áhorfendur fá ekki að mæta á völlinn en vonir standa til um að alli 92 leikirnir verði í beinni útsendingu í ensku úrvalsdeildinni.

Miklar deilur eru um það hvort það sé óhætt fyrir fótboltann að snúa aftur, Frakkland hefur ákveðið að banna íþróttaviðburði fram í ágúst.

Joe Anderson, borgarstjóri Liveprool er einn af þeim sem vil blása mótið af. Borgin hefur farið illa úr faraldrinum. Þá er Liverpool á barmi þess að verða enskur meistari, þó áhorfendur verði bannaðir á vellinum þá mun fólk saman og fagna.

,,Það að áhorfendum verði ekki hleypt inn mun ekki breyta því að þúsundir munu koma saman á Anfield. Lögreglan hefur áhyggjur og ég hef þær líka,“ sagði Anderson.

,,Það mun reynast lögreglunni erfitt að stoppa fólk, þetta gæti endað með ósköpum. Þetta snýst ekki um Liverpool, liðið hefur unnið deildina og eiga skilið að fá verðlaunin. Það á að gera þá að meisturum, heilsa og öryggi fólk er samt mikilvægara.“