Ríkisstjórn Boris Johnson, hefur beðið allar stærstu íþróttagreinar landsins um að byrja að undirbúa endurkomu. Ríkisstjórnin vonast til þess að íþróttir fari af stað í byrjun júní, með þessu vilja þau reyna að létta lundina hjá þjóðinni eftir erfiða tíma. Ekki hefur verið spilað í tæpa tvo mánuði vegna kórónuveirunnar.

Áhorfendur fá ekki að mæta á völlinn en vonir standa til um að alli 92 leikirnir verði í beinni útsendingu í ensku úrvalsdeildinni.

Miklar deilur eru um það hvort það sé óhætt fyrir fótboltann að snúa aftur, Frakkland hefur ákveðið að banna íþróttaviðburði fram í ágúst.

Ef og þegar boltinn fer af stað aftur verður hins vegar annar raunveruleiki en fólk þarf að venjast. Hér að neðan eru nokkar breytingar sem líklega verða við gildi.

Kynlífsbann
Í Þýskalandi verður leikmönnum bannað að sofa hjá unnustu sinni ef hún er með kvefeinkenni, þessi regla ku verða við líði á Englandi einnig.

Bannað að hrækja
Leikmenn munu fá gult spjald fyrir að hrækja, eitthvað sem allir eru hættir að gera í dag vegna veirunnar.

Fimm skiptingar
FIFA leggur til að það verði fimm skiptingar til að létta undir álaginu sem kann að koma þegar boltinn rúllar af stað.

Allt sótthreinsað
Kórónuveiran er talinn lifa í 72 klukkustundir þegar smitaður einstaklingur snertir eitthvað eða hóstar yfir það. Enska úrvalsdeildin ætlar að sótthreinsa allt sem hægt er þegar leikar fara af stað aftur.

Ekki snertingar í hornspyrnum
Leikmenn verða hvattir til þess að snertast ekki í hornspyrnum, líklega óumflýjanlegt að snertingar verði.

Aldurstakmark
Fólk yfir sjötugt er sagt í miklum áhættuhópi, á Engalndi er það skoðað að banna starfsfólk yfir sjötugt á leikjum. Roy Hodgson, stjóri Crystal Palace er 72 ára og má þá ekki mæta til vinnu.