Matvælastofnun hefur gefið Lýsi hf. fyrirmæli vegna markaðssetningu þeirra á fæðubótarefninu „Fríar fitusýrur og þorskalýsi“ en í markaðssetningu hefur verið gefið til kynna að varan geti fyrirbyggt smit af völdum kórónuveirunnar.
Þetta kemur fram í tilkynningu frá Matvælastofnun.
Einungis má nota heilsufullyrðingar við markaðssetningu matvæla sem eru skráðar á lista Evrópusambandsins um leyfilegar fullyrðingar. Lýsi hf. hefur upplýst Matvælastofnun um að það hafi hætt kynningu á vörunni á vef sínum og beðið söluaðila að fjarlægja slíkt kynningarefni.
Sjá einnig: Auglýsingar Lýsis brot á reglugerðum – Ný vara sögð drepa kórónuveirur