Kylian Mbappe, leikmaður Paris Saint-Germain, segir að það sé ekki rétti tíminn til að ræða nýjan samning við félagið.

Mbappe er einn efnilegasti leikmaður heims en hann er aðeins 21 árs gamall og á nóg eftir.

Mörg af stærstu liðum heims myndu vilja fá hann í sínar raðir en hann er aðeins samningsbundinn til ársins 2022.

,,Ég er tilbúinn að spila fótbolta, við erum á erfiðum tímum. Við byrjum vonandi lokasprettinn og erum að berjast um titla. Það er ekki rétti tíminn til að taka svona ákvarðanir,“ sagði Mbappe.

,,Félagið er rólegt og allir eru á sömu blaðsíðu, að tala um hluti utan vallar væri ekki raunsætt eða gott.“