,,KR trónir á toppnum í skuldastöðu félaganna í borginni en árið 2018 skuldaði félagið 200 milljónir,“ segir í ítarlegri grein sem Benedikt Bóas Hinriksson, skrifar í Fréttablaðið í dag.
Þar er farið yfir skýrslu sem Reykjavíkurborg lét gera er varðar íþróttafélögin í borginni, Reykjavíkurborg er að skoða stefnumótun fyrir félögin.
Ekki var allt neikvætt árið 2018 en samkvæmt frétt Fréttablaðsins, var hagnaður knattspyrnudeildar Vals 132 milljónir árið 2018, var það vegna góðs gengis í Evrópukeppni. Hagnaður knattspyrnudeilda í borginni var því 117 milljónir það árið.
Samkvæmt Fréttablaðinu borgaði Valur sem félag í heild, 350 milljónir króna í laun og verktakagreiðslur árið 2018, KR og Fjölnir fóru rétt yfir 200 milljónir.
Staðan er þó ekki alveg eins slæm og margir telja en í Fréttablaðinu segir. ,,Veltufjármunir eru sjóðir, bankainnistæður, birgðir og aðrar skammtímakröfur. KR á yfir 150 milljónir í slíku fé en Valsmenn, ÍR-ingar, Framarar og Ármenningar eiga meiri veltufjármuni en skuldir.“
