Peter Whittingham fyrrum leikmaður Cardiff og Aston Villa er látinn. Hann datt á bar í upphafi mánaðar og fékk þungt höfuðhögg. Whittingham féll úr stiga á barnum.
Whittingham lagði skóna á hilluna hjá Blackburn árið 2018 en hann spilaði yfir 400 deildarleiki fyrir Cardiff frá 2007 til 2017.
Whittingham hlaut alvarlegt höfuðhögg þann 7. mars síðastliðinn og hafði verið á spítala síðan þá.
Whittingham var 35 ára gamall er hann lést en mikil sorg ríki eftir fráfall hans. Eiginkona Wittingham er ófrísk en hún hefur dvaið á sjúkrahúsinu með honum.
Whittingham var lengi vel liðsfélagi Arons Einars Gunnarssonar hjá Cardiff og áttu þeir góða spretti saman innan vallar.
