Enska úrvalsdeildin fer af stað í fyrsta lagi 30 apríl, þetta staðfesti enska knattspyrnusambandið rétt í þessu.
Í yfirlýsingu frá sambandinu kemur fram að reglum hafi verið breytt, allt verði gert til þess að deildarkeppnir verði kláraðar.
Ljóst er að deildin klárast í fyrsta lagi í júní en líklegra er en ekki að deildin hefjist í maí frekar en apríl.
Ástæðan er kórónuveiran sem herjar nú á Evrópu og tilfellin eru mörg á Englandi. Vonast er til að hægt verði að klára alla leiki fyrir 30 júní.
Fyrst um sinn var deildinni frestað fram í lok mars en nú hefur enska sambandið gefið sér mánuð til viðbótar.
Æfingar liða á Englandi eru ekki í boði fyrr en í fyrsta lagi 3 apríl.
CONFIRMED: English football further suspended until April 30 at earliest – including Premier League and EFL #SSN #COVID19
— Bryan Swanson (@skysports_bryan) March 19, 2020
