Frank Lampard, stjóri Chelsea er sagður horfa til Ítalíu í sumar þegar hann ætlar að styrkja liðið sitt.

Lampard hefur ekki keypt neitt frá því að hann tók við og ensk blöð segja hann fá mikið fjármagn í sumar.

Ensk blöð segja að Lampard horfi til þess að fá þrjá leikmenn úr Seriu A og sé Chelsea tilbúið að borga 200 milljónir punda fyrir þá.

Lampard er klár í eyða 32 milljörðum til að fá Miralem Pjanic, Lautaro Martinez og Gianluigi Donnarumma .

Donnarumma myndi labba inn í liðið hjá Chelea en Lampard er ekki sáttur með þá markverði sem félagið hefur.

Lautaro Martinez væri fyrsti kostur í framlínu liðsins og Miralem Pjanic myndi styrkja miðsvæðið mikið.