Jón Kári Eldon, fyrrum leikmaður KR og fleiri liða var að æfa með liðinu árið 2009 þegar óvænt staða kom upp. Logi Ólafsson, þá þjálfari liðsins ákvað að hafa sundæfingu, þegar það kom í ljós að völlurinn þar sem KR átti að æfa var uppbókaður.
,,Það var ein æfing, hún var tvíbókuð. Meistaraflokkur kvenna og við. Logi gefur eftir, segir að við förum bara í sund á Nesinu,“ sagði Jón Kári þegar hann rifjaði upp þennan tíma árið 2009 í Draumaliðinu hjá Jóhanni Skúla.
Það sem verra var að Jón Kári kann ekki að synda en hann átti erfitt með að tjá Loga það.
,,Ég er ósyndur, mér líður ekki vel í vatni. Við förum þangað, ég þarf að segja Loga að ég kunni ekki að synda. Hann segir 20 ferðir af þessu og 20 af hinu, það var bara sundæfing. Ég mætti aldrei í skólasund. Ég segi við Loga að ég sé ósýndur, hann deyr úr hlátri,“ sagði Jón Kári.
Logi tjáði honum að fara annað. ,,Hann sagði mér að ég gæti bara farið í pottinn með þeim, þá sitja Jordao Diogo og Prince Rajcomar í pottinum. Ósyndir líka, við vorum þrír bræðurnir saman slakir. Ég held að Logi sé ennþá að hlæja.“
Þátt Jóhanns má heyra í heild hér að neðan.