Manchester United virðist hafa ákveðið það að selja Paul Pogba í sumar, þetta halda ensk götublöð fram í dag.
Pogba er sagður hafa áhuga á því að vera áfram, eftir að hafa verið með læti í rúmt ár vill hann endurskoða hlutina.
Ef marka má ensk blöð hefur United hins vegar tekið ákvörðun um að reyna að selja hann. Lætin sem fylgja honum og Mino Raiola trufla leikmannahóp liðsins.
Eftir þessa frétt í enskum blöðum fór Mino Raiola, í viðtal á Spáni. ,,Ég á í mjög góðu sambandi við Real Madrid,“ sagði Raiola.
,,Ég vil koma frábærum leikmanni þangað og ég mun reyna í sumar, það væri heiður fyrir mig. Real Madrid er frábært félag.“
,,ÉG er í sambandi við Jose Angel Sanchez hjá félaginu, ég elska að ræða fótbolta og málefni FIFA við hann. Hans skoðun heillar mig.“
,,Ég tel að einn daginn komi ég með frábæran leikmann til Real.“
