Starfsfólk Chelsea grátbað David Luiz um að hætta við að ganga í raðir Arsenal síðasta sumar.
Luiz greinir sjálfur frá þessu en hann tók umdeilt skref og samdi við grannana í London fyrir tímabilið.
,,Ég var tengdur öllum hjá félaginu. Þetta var svo stórt og ég byrjaði að sakna þeirra allra,“ sagði Luiz.
,,Í hverju einasta smáskilaboði var fólk að segja: ‘Komdu aftur, komdu aftur, komdu aftur, við erum hérna fyrir þig.’
,,Ég nefni dæmi um 75 ára gamlan herramann. Hann fékk sér morgunmat með mér þegar hann gat.“
,,Hann sendi mér skilaboð og sagðist vera að bíða eftir mér í morgunmat.“
