Willian, leikmaður Chelsea, er tilbúinn að spila fyrir liðið lengur en út júlí þegar samningur hans endar.

Óvíst er hvort að Willian fái nýjan samning en hann gæti endað á að spila samningslaus á Stamford Bridge eftir frestun deildarinnar vegna COVID-19.

,,Ég held að samningurinn minn renni út í júlí. Ef ég þyrfti að spila á þessum mánuðum þá væri það ekkert vandamál fyrir mig, að enda deildina tryggur Chelsea eins og þeir hafa alltaf verið gagnvart mér,“ sagði William.

,,Það sem er skrifað á blað skiptir ekki máli. Það er þó augljóst að við vitum ekki hvað gerist.“

,,Ég mun þó alltaf vera tilbúinn að gefa allt í sölurnar þrátt fyrir samningastöðuna.“