Gianluigi Buffon, markvörður Juventus, segir að hann hafi í raun verið hættur er hann samdi við PSG árið 2018.
Buffon virtist vera að leggja hanskana á hilluna áður en PSG ákvað óvænt að semja við hann.
Buffon hafði leikið með Juventus í heil 17 ár og samdi svo aftur við félagið ári seinna.
,,Að snúa aftur til Juventus var eðlilegt á endanum. Ég átti frábært ár í París og þurfti að hreinsa sjálfan mig,“ sagði Buffon.
,,Ég veit ekki hvað gerist á næsta ári, það er rétt að fyrir tveimur árum hafi ég hætt en það sem gerðist, gerðist.“
